Экологлар Азнакай шәһәрендә яшәүчеләрнең шикаятьләре буенча һава пробаларын алганнар

2023 елның 27 гыйнвары, җомга

Татарстан Республикасы Экология һәм табигать ресурслары министрлыгының Ык буе территориаль идарәсе адресына Азнакай шәһәрендә яшәүчеләрдән шикаять алынган. Җирле халык хәбәр иткәнчә, шәһәр өстендә самолет оча һәм, янәсе, химик матдәләр сиптерә. Һава торышын бәяләү өчен Ык буе территориаль идарәсенең күчмә экологик лабораториясе белән бергә экологлар урынга чыкканнар. Пробалар ПЭЛ урнаштырылган махсус җиһазлар ярдәмендә автомат режимда сайлап алынган. Пробалар 8 күрсәткеч: фенол, формальдегид, оксид һәм азот диоксиды, углерод газы, күкерт газы, аммиак һәм водород сульфиды буенча анализланган. Пробаларны анализлау нәтиҗәсендә чик дәрәҗәдә рөхсәт ителгән пычраткыч матдәләр концентрациясен арттырып җибәрү күрсәткечләре ачыкланмаган.