Быел безнең «Бер көн...» рубрикасы экологик дәрестән башланды

Күз алдына китерәсезме, бүген Экология министрлыгының Кама аръягы идарәсе инспекторлары, «Алабуга» МИЗ һәм Росприроднадзор хезмәткәрләренең зур һәм тату командасы Түбән Камада 1000нән артык ылыслы агач үсентесе утыртты! 

285 яшь табигать сөюче «Байтик» балалар лагерына җыелды. Бу көннәрдә биредә юннатларның 7 нче республика слеты уза. Оештыручылар катнашучылар өчен квестлар, интерактивлар һәм экскурсияләр әзерләгәннәр, балалар, үз чиратында, шулай ук калышмый – танышу очрашулары һәм кичке чаралар кысаларында үз талантлары белән уртаклашалар.

В.Г.Тимирясов исемендәге Казан инновацион университетының Чистай филиалы волонтерлары Чистайның Водников бистәсе территориясендәге өмәдә катнашып, территорияне җыештырдылар. 30га якын активист дамба янындагы ботакларны һәм чүп-чарны җыйды.

Экологик олимпиадаларда һәм конкурсларда җиңүчеләр, экологик проектларда һәм акцияләрдә актив катнашучылар. Бүген Чиләбегә иң яхшы белгечләр һәм табигатьне саклаучылар җыелды.