Мантыйклы һәм экономияле! Минзәлә укучылары матур һәм файдалы әйберләр ясый

2023 елның 24 гыйнвары, сишәмбе

Минзәләдәге 2 нче мәктәптә Кама яны территориаль идарәсе экологлары «Экология һәм мин» дигән чара үткәргәннәр. Белгечләр кешенең табигатькә ничек тәэсир итүе һәм ни өчен экологияне саклау мөһимлеген аңлатканнар. Экологик әңгәмәне эко-сумкаларны тегү һәм буяу буенча мастер-класс дәвам иттергән. Кызлар үз куллары белән күп тапкыр кулланыла торган сумкалар ясаганнар, ә соңыннан иҗади эшләрен яклаганнар.

Укытучы сүзләренчә, мәктәптә укучыларга экологик тәрбия бирү буенча зур эш алып барыла. Мәктәпнең үз Экологик отряды бар, балалар Экология министрлыгының төрле чараларында һәм акцияләрендә актив катнашалар.