«Бәллүр компас» илкүләм премиясенә гаризалар кабул ителә
«Бәллүр компас» илкүләм премиясенә конкурс инде 11 тапкыр үткәрелә. Бу дәрәҗәле халыкара бүләк хәзерге заманның күренекле казанышлары һәм фән һәм мәдәният, экспедиция һәм агарту эшчәнлеге, сәнәгать һәм иҗтимагый тормыш өлкәсендәге уникаль проектлар өчен тапшырыла, алар илебез үсешенә, аның милли байлыгын һәм интеллектуаль байлыгын арттыруга юнәлдерелгән булырга тиеш.
Конкурста катнашу өчен иҗтимагый оешмалар, фәнни һәм мәгариф учреждениеләре, иҗади берлекләр, төрле өлкәләрдәге предприятиеләр, шулай ук бәйсез инициатив төркемнәр һәм җәмәгать эшлеклеләре гариза бирә ала.
Җиңүчеләр 11 номинациядә билгеләнә:
- Фәнни казаныш;
- Мәгариф;
- Табигый һәм тарихи-мәдәни мирасны саклау буенча иң яхшы социаль-мәгълүмати проект;
- Сәнәгать предприятиеләренең, бизнесның иң яхшы экологик проекты;
- Сәяхәт һәм экспедиция;
- Иң яхшы ММЧ проекты, медиа-проект;
- Басма;
- Фотоэш;
- Гражданлык позициясе;
- Иң яхшы региональ проект;
- Җәмәгатьчелек тарафыннан танылу.
Гаризалар 20 февральгә кадәр кабул ителә. Катнашу нечкәлекләре турында Премиянең рәсми сайтында http://www.rus-compass.ru/ шулай ук +7 (800) 700-18-45 телефоны буенча белергә мөмкин. Сезне кызыксындырган сорауны әлеге электрон почтага да язып була: premiya.compass@mail.ru.