«Тукта - эшләнгән газ». Көньяк-Көнчыгыш территориаль идарә экологлары чыгарылган газларның әйләнә-тирә мохиткә йогынтысы турында сөйләде

2023 елның 19 гыйнвары, пәнҗешәмбе

Түбән Мактама шәһәренең 62нче «Тирәк»  балалар бакчасында юл йөрү кагыйдәләрен өйрәнү буенча ачык дәрес узды. Татарстан Экология һәм табигать ресурслары министрлыгының Көньяк-Көнчыгыш территориаль идарәсе дә кунакка килде. Алар балаларга чыгарылган газларның нәрсә икәнен аңлаттылар һәм машиналарның әйләнә-тирә мохитне ничек пычратулары хакында сөйләделәр. Лаборатория белгечләре һава үрнәген сайлап алу җайланмасын һәм аның эш принцибын күрсәттеләр. Моннан тыш, теләге булган һәркем эколог ролен сынап карый һәм проба алучы ярдәмендә һава пробаларын ала алды.