«ЭКОликбез» сәхифәсе күптән юк иде, анда без файдалы экогадәтләр, экология өлкәсендәге кызыклы фактлар һәм яңалыклар турында сөйлибез. Бүген без сезнең өчен чыршыны экологик яктан ничек сайларга һәм бизәргә дигән киңәшләр әзерләдек
Чыршысыз Яңа ел була димени? Һәр кеше декабрьдә тере яки ясалма чыршы һәм аның өчен бизәгечләр сатып алырга бара. Сатып алулар белән ашыкмаска һәм эко-декор белән танышырга тәкъдим итәбез, ул хәзер модалы трендка әверелә бара.
Экобәйрәм өчен кагыйдәләр:
- тере яисә яңа чыршы алудан баш тартырга тырышыгыз, полипропиленнан ясалган эко-чыршы яхшы вариант. Ул сезгә 15 ел тирәсе хезмәт итәчәк, шулай ук аны эшкәртүгә тапшырырга мөмкин.
- әгәр сез экспериментларга әзер икән, табигый материаллардан чыршы куегыз.
- пластик бизәгечләрдән эшләнгән әйберләрдән баш тартыгыз, чыршыга эко-уенчыкларны үз кулларыгыз белән (киптерелгән цитруслар, прәннекләр, күркәләр һ. б.) ясап була.
- әгәр дә уенчыклар сатып аласыз икән, натураль материаллардан (керамик атлар, агач фонарьлар һәм башкалар) сайлап алыгыз.
Бу кечкенә кагыйдәләргә таянып, сез әйләнә-тирә дөньяны чистартырсыз, яктырак һәм яшәү өчен күңеллерәк итәрсез. Сез дә үзегезнең эко-киңәшләрегез белән уртаклашыгыз.