Татьяна Ларионова: «Сез гаилә иминлеге һәм яхшы кәеф министрлыгы». Бүген Татарстанның эколидерларын «Пирамида» мәдәни-күңел ачу комплексында хөрмәтләделәр
Традицион «ЭКОлидер» конкурсы 2004 елдан бирле үткәрелә. Аның төп максаты-экология һәм әйләнә-тирә мохитне саклау мәсьәләләренә игътибарны җәлеп итү. Быел конкурска 326 гариза килгән. Иң күп гаризалар - «Мәктәпкәчә белем бирү оешмаларында экологик белем бирү» номинациясендә - 66 балалар бакчасы быел конкурста катнашкан.
«Экологик белем бирү» конкурсында җиңүчеләрне бүләкләп, сигезенче чакырылыш РФ Дәүләт Думасы депутаты Татьяна Ларионова экологларның эшенә югары бәя бирде: «Сез безне җирнең теләсә кайсы почмагында бәхетле итәсез,чөнки һәркайда сезнең хезмәт нәтиҗәсендә туган матурлык. Бәхет, гаилә иминлеге һәм яхшы кәеф өчен рәхмәт».
Бүген сәхнәдән предприятиеләр, иҗтимагый хәрәкәтләр, балалар бакчалары, мәктәпләр һәм массакүләм мәгълүмат чаралары арасында җиңүчеләр исемнәре яңгырады, шулай ук иң яхшы дәүләт инспекторы игълан ителде. «Бүген без ел нәтиҗәләре һәм ведомствоның утыз еллыгы турында сөйләшәбез. «Эколидер»- ул һәркемне: мәктәп укучыларын, педагогларны, галимнәрне, җитештерүне берләштерә торган бәйрәм. Без экологиягә бәяләп бетермәслек зур өлеш керткән экогеройларыбызның, җиңүчеләрнең, энтузиастларның исемнәрен атыйбыз», - дигән сүзләр белән сәхнәдән залда катнашучыларның барысына да экология министры Александр Шадриков мөрәҗәгать итте.
Эколидер бәйгесе 18 тапкыр уза. Быел ул Экология министрлыгы төзелүгә 30 ел тулуга багышланган. Конкурсның абсолют җиңүчесе «ТатРИТЭКнефть» территориаль җитештерү предприятиесенең «РИТЭК» җаваплылыгы чикләнгән җәмгыяте.
Җиңүчеләрнең һәм призерларның тулы исемлеге белән түбәндәге сылтамадан чыгып танышырга мөмкин: https://eco.tatarstan.ru/rus/file/pub/pub_3526021.pdf