Чираттагы законсыз чүплек экологлар кисәтүе буенча бетерелде
ТР Экология министрлыгының Көньяк-Көнчыгыш территориаль идарәсе экологлары рөхсәтсез төзелеш калдыклары чүплеген таптылар. Әлмәт шәһәренең мониторинг барышында «Мирас» спорткомплексы янында табигать законнарын бозулар ачыкланды. Чүпләнгән территориянең мәйданы – 130 кв. м., күләме – 48 куб.м.
Әлмәт районы Башкарма комитетына хокук бозуларны бетерү турында кисәтү җибәрелде. Хәзерге вакытта чүплек бетерелде, территориясе тиешле санитар-экологик халәткә китерелде.
Исегезгә төшерәбез, табигатьне саклау законнарын бозу фактлары турында түбәндәге элемтә каналлары буенча хәбәр итәргә була:
- (843) 267-68-67 телефоны буенча;
- eco.signal@tatar.ru электрон почта аша;
- интернет аша кабул итү бүлмәсендә - http://eco.tatarstan.ru/rus/priem.htm;
- өстәмә элемтә каналлары буенча - WhatsApp һәм телеграм +79872169779 номерына;
- «Халык контроле» системасында «Экология» категориясендә;
- «Мәктәп экопатруле» мобиль кушымтасы буенча.