Казан инновацион университетының Түбән Кама филиалы студентлары өчен экологик практика
Экология министрлыгының Кама аръягы территориаль идарәсенең аналитик лабораториясендә В. Г. Тимирясов исемендәге Казан инновацион университетының Түбән Кама филиалы студентлары өчен практика көннәре үткәрелде.
Студентлар идарәнең эшчәнлеге һәм лаборатория тикшеренүләре өчен һава, су һәм туфрак пробаларын сайлау кагыйдәләре турында белделәр. Практика вакытында эштә белемнәрен ныгыттылар: лабораториядә хром катнашмасы, савыт-саба юу өчен эремә әзерләделәр, үлчәү савытлары белән эшләргә өйрәнделәр һәм су үрнәкләрен үзләре сайлап алдылар һәм анализладылар.
«Министрлык лабораторияләрендә мондый тәҗрибә студентларга экологларның нәрсә белән шөгыльләнүләрен аңларга, һөнәри белем алырга, шулай ук булачак һөнәр өчен гамәли күнекмәләр формалаштырырга мөмкинлек бирә», - дип билгеләп үтте Кама аръягы территориаль идарәсе белгече.