Эко диктант тәмамланырга бер атна гына калды. Үз белемеңне тикшереп өлгер!
Ел саен үткәрелә торган Бөтенроссия экология диктанты 11 ноябрьдә Россиянең барлык төбәкләрендә старт алды. Теләсә кем үз белемен тикшерә ала - катнашу өчен бары тик эко диктантның https://экодиктант.рус/ сайтында теркәлү узарга, 45 минут эчендә 25 тест соравына җавап бирергә кирәк. Диктантка алдан әзерләнергә дә мөмкин — порталда балалар өчен дә, өлкәннәр өчен дә, шул исәптән экологлар өчен дә танып белү эколекцияләре бар.
Белешмә өчен:
Экодиктант - бу-экологик культураны формалаштыруга, экологик белемнәрне популярлаштыруга һәм экологик грамоталылык дәрәҗәсен күтәрүгә юнәлдерелгән еллык проект. Чара «Экология» илкүләм проектының экологик тәрбия, кешенең әйләнә-тирәлеккә сак карашын үстерүгә юнәлдерелгән максатларына ирешергә ярдәм итә. Аны оештыручылар- Татарстан Республикасы Экология һәм табигать ресурслары министрлыгы, Федерация Советының аграр-азык-төлек сәясәте һәм табигатьтән файдалану комитеты, «Тигез хокуклылык» автоном коммерцияле булмаган оешма, «Ангел-ДетствоХранитель» Гомумроссия иҗтимагый хәрәкәте һәм «Балаларның федераль экология-биология үзәге» өстәмә белем бирү федераль дәүләт бюджет мәгариф учреждениесе.