Экологлар ярдәмендә 1000 кв. м. территория чүп-чардан чистартылды

2022 елның 18 октябре, сишәмбе

Идел аръягы территориаль идарәсе инспекторлары Тәтеш районының экологик мониторингы вакытында Кече Әтрәч һәм Зур Әтрәч авылларында санкцияләнмәгән ике чүплек таптылар. Һәр чүплекнең мәйданы - 510 кв. метрдан артык.

Ачыкланган чүплекләр Зур Әтрәч авыл җирлеге башкарма комитеты тарафыннан оператив рәвештә бетерелде. Башкарма комитет хезмәткәрләре территорияне чүп-чардан чистарттылар.