«Путин командасы»нда! Бүген безнең коллегаларыбыз - Андрей Агарков һәм Рөстәм Фәрхуллин «Путин командасы» халык премиясе лауреатлары булдылар
Россиянең күп шәһәрләрендә бүген «Путин командасы» гражданлык премиясен тапшыру тантанасы узды. Ул Халык фронты тарафыннан инициацияләнгән. Куркыныч һәм хәвеф-хәтәргә карамастан, башка кешеләр файдасына хезмәт итүчеләрне Мактау бүләкләре белән билгеләп үттеләр. Казанда Россия үсешенә бәяләп бетергесез өлеш кертүче 18 кеше бүләккә лаек булды.
Алар арасында экологиянең тугры дуслары, коллегаларыбыз, фикердәшләребез һәм активистларыбыз - Рус географик җәмгыятенең Татарстан Республикасында төбәк бүлеге рәисе урынбасары Андрей Агарков һәм Татарстан Республикасында яшь натуралистлар хәрәкәте координаторы Рөстәм Фәрхуллин да бар.
Андрей Агарков үсеп килүче буын, шул исәптән башкалардан аерылып торучы балалар белән күпьеллык эше өчен халык танылуы билгесе белән бүләкләнде. Ул Экология министрлыгы тарафыннан хупланган социаль әһәмиятле проектларның авторы булып тора - инвалид балалар өчен тернәкләндерү үзәкләрендә тозлы бүлмәләр җиһазлау, аның җитәкчелегендә мәктәп-интернатта тәрбияләнүчеләргә тормышта җайлашырга ярдәм итүче проект гамәлгә ашырылды, Татарстан Республикасының 7 балалар бакчасында нәниләр өчен экология темасына интерактив киңлек барлыкка килде.
Бүген бүләкне Татарстанда юннатлар хәрәкәте координаторы Рөстәм Фәрхуллин да алды. Аның җитәкчелегендә түгәрәкләр, экология-географик юнәлештәге чаралар үткәрү өчен методик тәкъдимнәр эшләнде, алар отрядларга үз эшчәнлеген алып барырга ярдәм итә. Педагог ел саен төрле яшь төркемнәре өчен походлар, йөзүләр оештыра: Татарстан Республикасы музейларына, тыюлыкларына һәм милли паркларына йөрүче кече яшьтәге мәктәп балаларыннан алып, елгалардан чүп җыю, ярлар эррозиясен өйрәнү өчен 3 көнлек йөзүләрдә катнашучы студентларга кадәр.
Хезмәттәшләребезне югары бүләк белән котлыйбыз!