Буа укучылары «Экология» илкүләм проекты кысаларында «Россия суы» бөтенроссия акциясенә кушылды
Болытлы һава торышына карамастан Буаның 2 нче лицей укучылары «Экология» илкүләм проектының «Уникаль су объектларын саклау» федераль проекты кысаларында «Россия суы» бөтенроссия акциясендә катнашып, Безымянной (Карлы елгасының сул кушылдыгы) елганың яр буен чүп-чардан чистарттылар.
Уртак тырышлык белән балалар 10 капчыктан артык чүп җыеп алдылар, 2 км яр буе линиясен чистарттылар.
Экологик акцияләргә кушылган һәркемгә рәхмәт! Исегездә тотыгыз, бары тик уртак тырышлык белән генә без әйләнә-тирәбездәге дөньяны чистарта алабыз!
Белешмә өчен:
Чара Россия экология атналыгы кысаларында узды. Экоатналык экологик тематика акцияләре һәм чаралары циклыннан гыйбарәт. Акциядә РФнең барлык субъектларында яшәүчеләр дә катнаша ала. Тулырак мәгълүмат сылтама буенча: https://reo.ru/ren .