Экология буенча иң яхшы фәнни-гамәли эшкә конкурс башланды
Татарстан Республикасы Экология һәм табигать ресурслары министрлыгы Татарстан Республикасының югары уку йортлары студентлары арасында экология буенча фәнни-гамәли эшләр конкурсына старт бирә.
Конкурс түбәндәге өч номинация буенча уздырыла:
- Табигать ресурсларыннан рациональ файдалану;
- Табигатьне саклау технологияләрен эшләү;
- Экология һәм табигатьтән файдалану өлкәсендә цифрлы карарлар.
Конкурста җиңүчеләр 50, 30, 20 мең сумлык призлар белән бүләкләнәчәк.
Гаризаларны кабул итү 30 календарь көн дәвам итәчәк. Материаллар Anastasia.Merdyukova@tatar.ru электрон почтасына алына.
Тулырак мәгълүмат өчен, экологик агарту бүлегенә 264-23-67 һәм 267-68-11 телефоннары буенча мөрәҗәгать итүегезне сорыйбыз.
Конкурс нигезләмәсе белән https://eco.tatarstan.ru/konkurs-nauchno-prakticheskih-rabot-po-ekologii.htm сылтамасы буенча танышырга мөмкин.