Студентларның иң яхшы экологик фәнни-гамәли эшләре Экология министрлыгыннан премияләр алачак
3 октябрьдән Татарстан югары уку йортлары студентлары өчен экологик фәнни-гамәли эшләр конкурсы башлана.
Конкурс өч номинация буенча үткәрелә:
- Табигый ресурсларны рациональ куллану;
- Табигатьне саклау технологияләрен эшләү;
- Экология һәм табигатьтән файдалану өлкәсендә цифрлы карарлар.
Конкурс нәтиҗәләре буенча һәр номинациядән өчәр җиңүче сайланачак, алар арасында 300 000 сумлык премия фонды бүленә. Беренче урын өчен һәр номинациядә 50 000 сум, икенче урын өчен - 30 000 сум, өченче урын өчен 20 000 сум каралган.
Исегезгә төшерәбез, Татарстан Республикасы югары уку йортлары студентлары арасында экология буенча фәнни-гамәли эшләр конкурсы Татарстан Республикасы Экология һәм табигать ресурслары министрлыгы тарафыннан 2020 елдан бирле үткәрелә. Конкурсның төп максаты-яшь буынны экологик куркынычсызлыкны тәэмин итү өлкәсендәге проблемаларны хәл итүгә җәлеп итү һәм студентларның системалы фәнни-тикшеренү эшен үстерү.
Конкурсның торышы белән https://eco.tatarstan.ru/konkurs-nauchno-prakticheskih-rabot-po-ekologii.htm сылтама буенча танышырга мөмкин.
Гаризалар кабул итү 3 октябрьдә башлана һәм 30 көн дәвам итәчәк. Материаллар Anastasia.Merdyukova@tatar.ru электрон почтасына кабул ителә.
Тулырак мәгълүмат алу өчен 264-23-67 һәм 267-68-11 телефоннары буенча экологик белем бирү һәм иҗтимагый оешмалар белән хезмәттәшлек бүлегенә мөрәҗәгать итүегезне сорыйбыз.