Түбәнкамалылар «Чиста уеннар»да бер тонна чүп-чар җыйдылар
Түбән Камада Кама елгасы ярында «Чиста уеннар» узды. Ярышлар көзге чисталык Кубогы кысаларында оештырылды. Квест-уенда барлыгы 200 кеше катнашты. Бу мәктәп укучылары да, студентлар да, волонтерлар да, активистлар да, шәһәрнең битараф булмаган халкы да. Алар чүп-чар җыйдылар. Җыелган һәр капчык өчен командаларга баллар бирелде. Экоактивистлар уртак тырышлык белән 1 тонна чүп җыя алдылар.
Ярышларда җиңүчеләр:
1 урын – Түбән Кама районының 33 нче урта гомуми белем бирү мәктәбе
2 урын - «Твори добро» экологик хәрәкәте
3 урын - Түбән Кама районының 1нче гимназиясе
«Чиста уеннар» ТР Экология һәм табигать ресурслары министрлыгының Кама аръягы территориаль идарәсе, Түбән Кама районы Башкарма комитеты, акция иганәчеләре һәм партнерлары ярдәме белән узды