«Арктика. Боз кузгалды» форумы бөтен илдән 200 волонтер һәм 3 меңнән артык онлайн-катнашучыны берләштерде
16 августтан 18 августка кадәр Коми Республикасының Усинск шәһәрендә «Арктика. Боз кузгалды» Бөтенроссия форум-фестивале узды Усинск өч көнгә 200 волонтер һәм 3 меңнән артык онлайн-катнашучыны берләштергән йортка әверелде. Алар арасында безнең татарстанлылар да - Алина Кабатьева һәм Гүзәл Кадырова «Чиста булачак» төбәк яшьләр иҗтимагый оешмасы активистлары да бар иде. Россиянең әйдәп баручы югары уку йортлары волонтерлары, җәмәгать эшлеклеләре, активистлары һәм студентлары экологик куркынычсызлык буенча тренингларда һәм мастер-классларда катнашты, музейларга экскурсияләргә бардылар, хакимият һәм бизнес органнары, иҗтимагый оешмалар һәм мәгариф учреждениеләре вәкилләре чыгышларын тыңладылар.
«Безгә бик ошады. Бу тәҗрибә белән уртаклашу һәм башка төбәкләр тәҗрибәсен күрүгә бик яхшы мөмкинлек булды», - дип уртаклашты хис-кичерешләре белән Алина Кабатьева.
Белешмә: Форум 2021-2023 елларда Арктик советта Россия рәислегенең төп чаралары планына кертелгән, аларның операторы - «Чиста Арктика» коммерцияле булмаган автоном оешмасы ярдәме белән Росконгресс фонды. Чара Россия Федерациясе Ерак Көнчыгыш һәм Арктиканы, РФ Федерация Советы һәм Дәүләт Думасы, Коми Республикасы хөкүмәте, «Усинск» муниципаль берәмлеге администрациясе ярдәмендә уза.