«Шәһәрле-галим» шәһәр лабораториясе расписаниесен үзеңә сакла
Шәһәр лабораториясенең җентекле расписаниесен карагыз һәм анда катнашу өчен гариза бирергә онытмагыз.
Бу шимбәдә, ягъни 16 июльдә Рус география җәмгыятенең Татарстан Республикасындагы төбәк бүлеге рәисе урынбасары Андрей Агарков туристлык буенча мастер-класс үткәрәчәк, читтә калма. Ә 9 һәм 13 августта ТР Экология һәм табигать ресурслары министрлыгы хезмәткәрләре үз эшләре турында сөйләячәк.
Инде 2 дәрес лаборатория янында узды, ә алда тагын 10 дәрес көтелә һәм мәктәпне тәмамлаучылар өчен дипломнар тапшыру буенча соңгы экология кичәсе «Казан» Гаилә үзәге янындагы яр буе пляжында үтәчәк.
Экология һәм табигать ресурслары министрлыгының атмосфера һавасын саклау бүлеге җитәкчесе Алия Гәрәева 9 августта «Шәһәрдә һәм Казансу елгасы янында һаваны тикшерәбез» дип аталган мастер-класста чыгыш ясаячак, ә 13 августта Экология һәм табигать ресурслары министрлыгының су объектларын саклау бүлеге җитәкчесе Вячеслав Долгов Казансу елгасының экологик халәтен яхшыртуга юнәлтелгән сынау проекты турында сөйләячәк.
Исегезгә төшерәбез, Казансу елгасының үсеш стратегиясе командасы Казан шәһәре башкарма комитеты, ТР Экология һәм табигать ресурслары министрлыгы, Рус география җәмгыятенең Татарстан Республикасындагы төбәк бүлеге, Казан федераль университеты һәм «Другое дело» платформасы белән берлектә проектны оештыручылар булып санала.