Татарстан укучылары, фәнни-гамәли конференция кысаларында, 56 тикшеренү эше тәкъдим иттеТатарстан укучылары, фәнни-гамәли конференция кысаларында, 56 тикшеренү эше тәкъдим итте
Арча районының 2 нче номерлы мәктәбендә «Җир Хартиясе ракурсында заманча социаль-икътисади системаларның экологик куркынычсызлыгы» дигән Республика фәнни-гамәли конференциясе булып узды. Әлеге чараны ел саен Татарстан Республикасы Экология һәм табигать ресурслары министрлыгының Төньяк территориаль идарәсе һәм Арчаның 2 нче урта гомуми белем бирү мәктәбе оештыра.
Конференциядә 5-11 сыйныф укучылары катнашты. Барлыгы 56 тикшеренү эше кабул ителде. Мәктәп укучылары 5 юнәлеш буенча проектлар яклады:
- «Әйләнә-тирә мохит һәм кеше сәламәтлеге»;
- «Экологик бөтенлек»;
- «Хәзерге социаль-икътисади сәяси-хокукый процессларның җәмгыять иминлегенә йогынтысын бәяләү»;
- «Шагыйрь һәм язучыларның әсәрләрендә экология һәм әйләнә-тирә мохитне саклау мәсьәләләре»;
- «Иҗатта экология темасы».
Конференция эше 5 юнәлештә оештырылган иде: «Биология», «Химия һәм экология», «Җәмгыять белеме һәм тарих», «География», «Иҗатта экология темасы», «Рус һәм чит ил әдәбияты», «Татар әдәбияты». Барлык катнашучылар да дипломнар һәм грамоталар белән бүләкләнде.