Экологлар Чистай шәһәрендә чираттагы санкцияләнмәгән кар ташлау урынын тапты

2022 елның 21 феврале, дүшәмбе

ТР Экология һәм табигать ресурслары министрлыгының Идел-Кама территориаль идарәсе инспекторлары Ибраһимов урамында рейд уздырганда, шәһәрнең бер гипермаркеты янында санкцияләнмәгән кар ташлау урыны барлыгын ачыклады. Законсыз ташланган карның мәйданы – 500 кв.м., күләме – 600 куб.м.

Идарә белгечләре тарафыннан вазифаи затка карата Административ хокук бозулар турында ТР кодексының 3.6 статьясындагы 1 өлеше буенча «Җирлек һәм шәһәр округы территорияләрен төзекләндерүнең муниципаль кагыйдәләрен, калдыклар белән эш итүнең муниципаль кагыйдәләрен бозу» беркетмәсе төзелде. Материал карап тикшерү өчен Чистай муниципаль районының административ комиссиясенә тапшырылды.