Көньяк-Көнчыгыш территориаль идарәсе белгечләре Әлмәт балаларын микроорганизмнар дөньясы белән таныштырган

2021 елның 22 сентябре, чәршәмбе

Әлмәт шәһәренең 1 номерлы «Бәләкәч» мәктәпкәчә белем бирү учреждениесендә тәртибеләнүче балалар өчен ТР Экология һәм табигать ресурслары министрлыгының Көньяк-Көнчыгыш территориаль идарәсе лабораториясенә экскурсия уздырылган. Балалар дафнияләр, цереодафияләр, инфузория-башмакчыкларның нәрсә аңлатуы турында, шулай ук алар ярдәмендә экологларның токсикологик анализлар уздыруы турында белгәннәр. Моннан тыш, балалар микроорганизмнарны лаборатория микроскопында үзләре дә карый алган. Шулай ук белгечләр балаларны лабораториядәге савыт-саба, пробиркалар, химик стаканнар һәм колбалар белән таныштырганнар. Аналитик контрольлек буенча махсус инспекция хезмәткәрләре әзерләгән кызыклы тәҗрибәләр сериясе мәктәпкәчә яшьтәге балаларга зур тәэсир ясаган.