Министрлыкның матбугат хезмәте

Бүген Казан шәһәренең Җиңү паркында “Мәктәп эко-патруле” республика конкурсында җиңүчеләрне бүләкләү тантанасы булып узды. 2014 елның 1 сентябреннән 2015 елның 1 маена кадәр анда Татарстан гомуми белем бирү оешмаларында тәрбияләнүчеләр катнашкан иде. Конкурсны Татарстан Мәгариф һәм фән министрлыгы, Татарстан Информатизация һәм элемтә министрлыгы белән берлектә Татарстан Экология һәм табигый байлыклар министрлыгы үткәрде. Белем бирү оешмаларында укучылар махсус төзелгән мобиль кулланма ярдәмендә рөхсәтсез калдык ташлау урыннарын теркәп, Экология министрлыгына хәбәр иттеләр, инспекторлар исә аларны бетерү чараларын күрде. Рөхсәтсез калдык ташлау урыннары турында барлыгы 1166 хәбәр җибәрелде.
Бүләкләү тантанасын Татарстан экология һәм табигый байлыклар министры Артем Сидоров ачып җибәрде. Аның әйтүенчә, Президент вазифаларын вакытлыча башкаручы Рөстәм Миңнеханов башлангыч биргән бу конкурста мәктәп укучылары бик актив катнашкан. Конкурс барышында һәр укучы, класс, мәктәп, муниципаль район һәм шәһәр округы буенча статистика алып барылган. Укучылардан кергән хәбәрләр “Халык контроле” дәүләти системасы аша кергәннәрдән күпкә артык булган. Яшь буын әйләнә-тирәлекне саклауда бик теләп катнаша. Экология министры яшь буынга экологик тәрбия бирүче осталарга аерым рәхмәт белдерде. Бүгенге көндә республиканың күп кенә мәктәпләрендә экология дәресләре һәм өстәмә шөгыльләр даими үткәрелә. Артем Сидоровның әйтүенчә, “Мәктәп эко-патруле” конкурсында катнашу – бозуларны күрү генә түгел, хәлне төзәтергә омтылу да, әйләнә-тирәлекне саклауда катнашу да булып тора. Ул Татарстан Хөкүмәте, Татарстан Экология һәм табигый байлыклар министрлыгы исеменнән “Мәктәп эко-патруле” конкурсында катнашучыларга һәм җиңүчеләргә рәхмәт белдерде, укуларында уңышлар, ныклы сәламәтлек, яңа җиңүләр теләде.

2015 елның 22 маенда Татарстан Экология һәм табигый байлыклар министрлыгының Дәүләти экологик күзәтчелеге инспекторлары Министрлыкның кайнар элемтәсенә гражданнардан кергән хәбәр буенча Казан шәһәренең Идел буе районына рейд оештырды. Рейд барышында Мирный бистәсе янындагы карьердан законсыз рәвештә ком чыгару факты ачыкланды. Бу эш тиешле лицензиясез башкарылган. Урында ком төялгән 4 Камаз, ике җиңел машина һәм экскаватор булган. Россия МВДсының Казандагы 10нчы “Промышленный” полиция бүлеге хезмәткәрләре белән бергә шул бозуга катнашлы кеше­ләр тоткарланды, алардан аңлатмалар алынды, фото- һәм видеоматериаллар төзелде. Хәзерге вакытта әлеге техниканың ияләре ачыклана, әйләнә-тирәлеккә салынган зыян исә

2015 елның 23 маенда, Татарстан дәүләт хезмәткәрләре спартакиадасы кысаларында, Казанның Үзәк стадионының футбол – җиңел атлетика манежында җиңел атлетика ярыш­лары булып узды. Анда барлыгы 27 команда катнашты, Татарстан Экология һәм табигый байлыклар министрлыгы командасы 9нчы урынны алды. Экология министрлыгы тулай командалар хисабында 6нчы урында.

2015 елның 27 маенда 10.00 сәгатьтә Казанның Җиңү паркында (Бондаренко урамы һәм Хөсәен Ямашев проспекты чатында) “Мәктәп эко-патруле” республика конкурсында җиңүчеләрне бүләкләү тантанасы үткәрелә. 2014 елның 1 сентябреннән 2015 елның 1 маена кадәр анда Татарстанның гомуми белем бирү оешмаларында тәрбияләнүчеләр катнашты. Конкурсны Татарстан Мәгариф һәм фән министрлыгы, Татарстан Информатизация һәм элемтә министрлыгы белән берлектә Татарстан Экология һәм табигый байлыклар министрлыгы оештырган иде. Гомуми белем бирү оешмаларында укучылар махсус төзелгән мобиль кулланма ярдәмендә рөхсәтсез калдык ташлау урыннарын теркәп, Экология министрлыгына хәбәрләр җибәрде, шулар буенча инспекторлар тиешле чаралар күрде. Конкурста республиканың барлык муниципаль районнарындагы һәм шәһәр округларындагы 200 гомуми белем бирү оешмасыннан 1000ләп укучы катнашты. Рөхсәтсез калдык ташлау урыннары турында барлыгы 1281 хәбәр җибәрелде. Җиңүчеләр түбәндәге номинацияләр буенча билгеләнде:
– “Иң актив укучы”;
– “Иң актив класс”;
– “Иң актив мәктәп”.
Җиңүчеләргә кыйммәтле бүләкләр биреләчәк.
“Мәктәп эко-патруле” республика конкурсында җиңүчеләрне бүләкләү чарасында шулай ук уеннар, конкурслар, викториналар, фәнни шоу, әйберләр ясау буенча мастер-класслар да үткәреләчәк. Анда һәр теләгән кеше катнаша ала.

Тәтеш муниципаль районында, “Әкият” балалар бакчасы базасында, Мәктәпкәчә яшьтәгеләрне экологик тәрбияләү буенча ресурслар үзәге һәм “Эко-мәктәп / Яшел флаг” халыкара программасы кысаларында “Мәктәпкәчә тәрбия оешмаларының мәктәпкәчә белем бирүне стандартлаштыру шартларындагы социаль партнерлыгы” дигән темага зона семинары үткәрелде, анда Татарстан Экология һәм табигый байлыклар министрлыгының Идел аръягы территориаль идарәсе белгечләре дә катнашты.
Чараның максаты – мәктәпкәчә яшьтәгеләрне экологик тәрбияләү буенча эш тәҗрибәсен йомгаклау һәм тарату, Татарстан балалар бакчаларын “Эко-мәктәп / Яшел флаг” халыкара программасы буенча хезмәттәшлеккә җәлеп итү.

2015 елның 23 маенда Татарстан Экология һәм табигый байлыклар министрлыгы, Казан мэриясе хезмәткәрләре, “Чиста булыр” хәрәкәте активистлары, Рус Географик җәмгыятенең Татарстан бүлекчәсе дайверлары, Экономика, идарә һәм хокук институты, К(И)ФУ студентлары, якындагы предприятиеләрдә эшләүчеләр һәм Казанда яшәүчеләр Аскы Кабан күлен тәртипкә китерде, яр буйларын һәм күл төбен чүп-чардан тазартты. Өмәдә экология һәм табигый байлыклар министры Артем Сидоров та катнашты. Аның әйтүенчә, санитар-экологик икеайлык көннәрендә дәүләти экологик күзәтчелек кысала-рындагы эшләр (табигать саклау законнарын бозуларны ачыклау һәм теркәү) генә башкарылмый, җәмәгать урыннарын тәртипкә китерү чаралары да үткәрелә. Казанның күренекле урыны булган Кабан күлен шәһәр халкы да, башкалага килгән кунаклар да ярата. Татарстан халкының яр буйларында ял итү урыннарын чиста тотарга кирәк. Татарстан Президентны вазифаларын вакытлыча башкаручы Рөстәм Миңнеханов тарафыннан су саклау зоналары елы дип игълан ителгән 2016 елда бу мәсьәләгә аерым игътибар биреләчәк. Кабан күле суының сыйфатын тиешле хәлгә китерү буенча 2013 елгы Универсиадага әзерлек кысаларында да зур эшләр башкарылган иде. Бүгенге көндә күлгә индустриаль сулар агызылмый, Татарстан Экология һәм табигый байлыклар министрлы-гының Үзәк махсус аналитик контроль инспекциясе су сыйфатын даими күзәтеп тора. Инспекция белгечләре бүген дә чираттагы су пробаларын алып тикшергән. Күчмә лаборатория суны аммоний, сульфат, нитрит, нефть продуктлары кебек 15 күрсәткеч буенча оператив анализларга мөмкинлек бирә. Бүгенге анализ Кабан күле суының нормаларга туры килүен күрсәткән, арттырулар юк. Кислород кимәле дә нормада.