Мамадыш районында Ушмы елгасының үзәне 6 чакрымнан артык озынлыкта чистартылачак

2021 елның 17 августы, сишәмбе

Су мөнәсәбәтләре тармагындагы аерым вәкаләтләрне тормышка ашыру өчен бирелгән субвенция кысаларында Мамадыш шәһәрендә Ушмы елгасы үзәнен тирәнәйтү һәм чистарту эше алып барыла. Ул6 чакрымнан артык ераклыкка сузылачак. Объектта 2 чакрымнан артык сөзәк урын таш белән ныгытылачак. Быел әлеге эшләрне башкаруга 15,2 миллион сум акча бүлеп биреләчәк. Төп максат – ташкын вакытында гадәттән тыш хәлләрне булдырмау. Әлеге участокта 300дән артык кеше, инженерлык корылмалары һәм коммуникацияләр, социаль инфраструктура объектлары су басу зонасына эләгә торган булган. Хәзерге вакытта аны агач-куаклардан чистарту эше башкарылган, су төбеннән утырмалар чыгарыла.