1 тоннадан артык икенчел чимал сортланган. «Бүлү кагыйдәләре» конкурсына йомгак ясалды
Бүген Мега сәүдә үзәгендә калдыкларны аерым җыю буенча «Бүлү кагыйдәләре» конкурсына йомгак ясалды. Исегезгә төшерәбез, конкурс 1 мартта башланып киткән иде. Ярышларда Казанның өч югары уку йорты – КДЭУ, КХТИ һәм КАИ студентлары катнашты. Өч ай дәвамында балалар ПЭТ-шешәләр, ПНД, пыяла һәм макулатура җыйдылар.
Конкурста җиңүчеләрне бүләкләү тантанасында ТР экология һәм табигать ресурслары министры урынбасары Егор Тарнавский катнашты: «Бүгенге яшьләр төрле экологик проектларда актив катнаша, шул рәвешле барысын да табигать саклау чаралары – өмәләргә, калдыкларны аерым җыю эшләренә кушылырга өчендиләр. Партнерлар – Мега Казан, Леруа Мерлен сәүдә үзәкләренә һәм «ИННОКАМ» ассоциациясенә студентларга калдыкларны сортларга аеруда, әйләнә-тирәлекнең экосистемаларын саклауда үзләренең көчләрен сынап карарга мөмкинлек биргәннәре өчен рәхмәт белдерәбез». Чүп-чарны аерым җыю системасын үстерүгә бәяләп бетергесез өлеш керткәннәре өчен студентларга аерым рәхмәт сүзләрен җиткерде.
Конкурс нәтиҗәләре буенча Казан милли тикшеренү технология университеты командасы җиңүче булды, ул 1 тонна икенчел чималны сортларга аерган. 2 урында – А.Н.Туполев исемендәге Казан милли тикшеренү техник университеты, 306 кг икенчел чималны сортларга аерганнар. 3 урында – Казан дәүләт энергетика университеты, 100 кг калдык җыелган. Университетларга уку йортлары базасында дәресләр өчен уңайлы һәм заманча коворкинглар ачу өчен сертификатлар тапшырылды.
Җиңүчеләрне котлыйбыз һәм мондый проектларда актив катнашуларын теләп калабыз!