«PRoЭКо» фәнни-гамәли эшләр конкурсына катнашучыларны теркәү дәвам итә. Кушылыгыз!
«Чиста булачак» төбәк яшьләр иҗтимагый оешмасы, ТР Экология һәм табигать ресурслары министрлыгы ярдәмендә, «PRоЭКо» социаль әһәмиятле проектын тормышка ашыра. Аның максаты – мәктәп укучылары һәм студент яшьләр арасында экология өлкәсендәге фәнни эшчәнлекне популярлаштыру.
Конкурста гомуми белем бирү учреждениеләренең 9-11 сыйныф укучылары һәм Татарстан Республикасының югары һөнәри һәм урта белем бирү учреждениеләре студентлары катнаша ала.
Проект кысаларында «PRoЭКо» экологик фәнни-гамәли эшләр республика конкурсы узачак, ул ике этапта гамәлгә ашырылачак:
1 этап – читтән торып (2021 елның 4 февраленнән 27 апреленә кадәр).
2 этап – турыдан-туры (2021 елның 27 апреленнән 19 маена кадәр).
Читтән торып үткәрелгән этапта катнашучылар өчен кейс-чемпионатлар, экология буенча мастер-класслар һәм Татарстанның сәнәгать объектларына экскурсияләр оештырылачак. Турыдан-туры этап кысаларында «PRoЭКо» республика экологик фәнни-гамәли конференциясе узачак, анда катнашучылар үзләренең эшләрен яклап чыгыш ясаячак.
Катнашу өчен 2021 елның 27 апреленә кадәр шәхси теркәлү узарга кирәк - https://clck.ru/KrBvT.
Чара турында тулырак мәгълүмат - https://clck.ru/TXH7W.