Казан шәһәрендә 347 кв. метрлы чүплек бетерелгән

2020 елның 25 августы, сишәмбе

Татарстан Республикасы Экология һәм табигать ресурслары министрлыгының Үзәк территориаль идарәсе инспекторлары Совет районында Возрождение урамы буенча законсыз чүплек урынын ачыклаган. Зур габаритлы калдыклар һәм тораклардан сортларга аерылмыйча чыгарылган чүп-чарның гомуми мәйданы 347 кв. метр булган, күләме – 69 куб. метр.

Хәзерге вакытта Казан шәһәренең Совет районы администрациясе тарафыннан территория тиешле санитар-экологик халәткә китерелгән.