Александр Шадриков республика халкы сорауларына җавап бирде

5 август 2020 ел., чәршәмбе

Татарстан Республикасы Экология һәм табигать ресурслары министрлыгының Идел аръягы территориаль идарәсендә видеоконференцэлемтә режимында гражданнар кабул ителде. Гражданнарның төп игътибары су ресурсларын саклау мәсьәләләренә бирелде. Мәсәлән, Апас районының Иске Борнаш авылы мәчете имамы ведомство башлыгына хәзерге вакытта җир асты байлыкларын табу эшләре алып барыла торган участокта күл ясау мөмкинлеге турында мөрәҗәгать итте.

Кама Тамагы районында яшәүче бер кеше Карамалы елгасы тамагындагы үзәннең тирәнәю өчен борчыла. Сулык ләмләнү аркасында гражданин елга төбеннән тирәнәйтү – төбәк яки федераль программага кертү мөмкинлеген карау турында сорады.

Чара йомгаклары буенча халыкка аңлатмалар бирелде, бирелгән сораулар буенча тиешле мәгълүмат тиешле документлар эшләү өчен республика муниципаль районнарының башкарма комитетларына җиткерелде.

Исегезгә төшерәбез, ТР Экология һәм табигать ресурслары министрлыгында гражданнарны кабул итү атна саен, сишәмбе көнне үткәрелә. Табигать саклау ведомствосы җитәкчесенә кызыксындырган сорауны бирү өчен (843) 267-68-48 телефоны буенча язылырга кирәк. 

ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International