Республикада «Татарстанның илкүләм проектлары – 2020» фотоконкурсы башланды

2020 елның 18 июне, пәнҗешәмбе

«Бердәм Россия» партиясенең Татарстан төбәк бүлеге, Татарстан Республикасы Иҗтимагый палатасы, «Татарстан Республикасы Муниципаль берәмлекләре советы» ассоциациясе, төбәк проект офислары «Татарстанның илкүләм проектлары – 2020» фотоконкурс фотоконкурсын үткәрә.

Чара Россия Федерациясе Президентының 07.05.2018 ел, №204 Указы нигезендә гамәлгә ашырыла торган илкүләм проектлар составында Татарстан Республикасы проектларын гамәлгә ашыру нәтиҗәләрен күрсәтү максатында оештырыла. «2024 елга кадәрге чорга Россия Федерациясе үсешенең илкүләм максатлары һәм стратегик бурычлары турында».

Фотоконкурс номинацияләре:

- «Хуплыйм» дип тавыш бирәбез»;

- «Элек булмаган»;

- «Кунакка чакырабыз»;

- «Чишелеш бар»;

- «Туры караш»

- «Объективта – балалар»;

- «Республика файдасына, һәр кеше мәнфәгатьләрендә».

Конкурс 2020 елның 1 нче июненнән 20 нче декабренә кадәр 4 этапта үткәрелә:

1 нче этап (муниципаль): 1 нче июнь – 15 нче октябрьгә кадәр – муниципаль берәмлекләрдә фотоматериаллар җыю;

2 нче этап (муниципаль): 15 нче октябрь – 1 нче декабрь – фотоконкурсның республика этабы өчен муниципаль берәмлекләрдә фотолар сайлап алу;

3 нче этап (республика): 1 нче декабрь – 10 нчы декабрь – республика конкурс комиссиясенә фотолар җибәрү;

4 нче этап (республика): 10 нчы декабрь – 20 нче декабрь – җиңүчеләрне билгеләү, фотоконкурска йомгак ясау.

Район сайлап алу нәтиҗәләре буенча иң яхшы эшләр һәм фотоконкурста катнашу өчен гаризалар конкурс комиссиясенә 2020 елның 1 нче декабрьдән 10 нчы декабрьгә кадәр natsproekty/konkurs@mail.ru электрон адресына «Татарстанның илкүләм проектлары - 2020» фотоконкурсы» дигән тамга белән, шулай ук профильле министрлыкларга һәм ведомстволарга җибәрелә. Җиңүчеләргә дипломнар һәм истәлекле бүләкләр тапшырылачак, ә иң яхшы эшләр басма һәм электрон республика массакүләм мәгълүмат чараларында басылып чыгачак, шулай ук Татарстан Республикасында күргәзмә мәйданчыкларында күрсәтеләчәк.

Конкурс турындагы нигезләмә белән  https://vmeste.tatar/ сайтында танышырга мөмкин.