Әлмәт районында ком чыгару буенча легаль булмаган карьер булуы ачыкланган

2020 елның 25 мае, дүшәмбе

Татарстан Республикасы Экология һәм табигать ресурслары министрлыгының Көньяк-Көнчыгыш территориаль идарәсе инспекторлары гомумтаралган файдалы казылмаларны (комны) лицензиясез чыгаруга чик куйган. Экологлар Сабанчы авылыннан 3 км аралыкта экскаватор һәм үзбушаткыч тапкан. Хокук бозу урынына полиция хезмәткәрләре дә чакырылган. Җир асты байлыкларыннан законсыз файдаланучы затлар ачыкланган, эшнең барлык шартларын ачыклау өчен тикшерү эше алып барыла.