«Игелекле эшләр төбәге» Бөтенроссия конкурсы башланды. Кушылыгыз!
Конкурсның максаты – Татарстан Республикасы территориясендә волонтерлык инициативаларын тотрыклы үстерү өчен шартлар тудыру, кешеләрнең тормыш сыйфатын арттыру һәм ирекле эшчәнлеккә җәлеп ителгән гражданнар санын арттыруга ярдәм итү.
Конкурста катнашу өчен түбәндәгеләр чакырыла:
- теркәлгән хөкүмәтнеке булмаган коммерциясез оешмалар;
- дәүләт һәм автоном бюджет учреждениеләре;
- территориаль иҗтимагый үзидарәнең теркәлгән органнары;
- аерым очракларда – юридик зат статусын алмаган, әмма субсидия алу мизгеленә статус алырга җыенган иҗтимагый хәрәкәтләр.
Эшләр түбәндәге юнәлешләр буенча кабул ителә:
- мәктәп волонтерлыгы (волонтерлык);
- студент волонтерлыгы (волонтерлык);
- эшкә яраклы халыкның ихтыярилыгы (волонтерлык);
- «көмеш» ихтыярилык (волонтерлык).
Татарстан Республикасы территориясендә конкурсны «Мәгариф» илкүләм проектының «Социаль активлык» федераль проекты кысаларында 2020 елның 19 нчы маеннан 1 нче июненә кадәр Татарстан Республикасы Яшьләр эшләре министрлыгы үткәрә. Конкурста җиңүчеләр Татарстан Республикасыннан проектлар исемлегенә керәчәк һәм, җиңү яулаган очракта, финанс ярдәме алачак.
Үз гаризаларыгызны, «Конкурска» дигән тамга белән, suslovavladena@outlook.com электрон адресына җибәрергә кирәк. Белешмәләр өчен телефон: +7 (953) 400-47-17.