Студентлар игътибарына! Экология буенча фәнни-практик эшләр конкурсы 30 нчы апрельгә кадәр озайтылды
Татарстан югары уку йортлары укучылары экология буенча фәнни-гамәли эшләр конкурсында җиңгән өчен 5 меңнән 20 мең сумга кадәр акча алачак. Конкурсны оештыручылар – Татарстан Экология һәм табигать ресурслары министрлыгы һәм Татарстан Республикасы Фәннәр академиясенең Экология һәм җир асты байлыкларыннан файдалану проблемалары институты.
Катнашу өчен түбәндәге номинацияләрнең берсендә бер автор әзерләгән проектлар кабул ителә:
- Табигый ресурслардан рациональ файдалану;
- Табигать саклау технологияләрен эшләү;
- Социаль экология.
Материаллар 2020 елның 30 нчы апреленә кадәр Anisa.Mannapova@tatar.ru һәм Olga.Artemeva1@tatar.ru электрон почта адреслары буенча кабул ителә. Конкурсны үткәрү шартлары турында тулырак мәгълүмат белән Министрлык сайтының «Конференцияләр, конкурслар, СЮКО ярдәм итү» бүлегендә танышырга мөмкин: http://eco.tatarstan.ru/rus/konkurs-nauchno-prakticheskih-rabot-po-ekologii.htm.
Диплом һәм кыйммәтле бүләкләр лауреатларны рәсми бүләкләү тантанасында тапшырылачак.