Алло, без эко-талантлар эзлибез! «Online чирек» проекты кысаларында икенче конкурс башланып китте

2020 елның 14 апреле, сишәмбе

Татарстанның Экология һәм табигать ресурслары министрлыгы, «Татармультфильм» белән берлектә, «Online чирек» проекты кысаларында икенче, бер атналык «Эко-талант» конкурсының башлануы турында игълан итә.

Катнашу шартлары болайрак: экологик темага шигырь яки җыр өйрәнергә, видео-чыгышларны  greentatarstan@mail.ru электрон почтасына җибәрергә. Хат темасында «Эко-талант» дип, хатның үзендә катнашучының исем-фамилиясен, торак пунктын, мәктәп номерын һәм сыйныфын күрсәтергә кирәк.

Эшләр 2020 елның 20 нче апреленә кадәр фәкать теркәлгән катнашучылардан гына кабул ителә. Бер катнашучыдан бер хезмәт!

Җиңүчеләрне бик яхшы рюкзаклар һәм бүләкләр көтә, калган катнашучыларга китаплар тапшырылачак. Уңышлар телибез!