Махсус кием-салым, документлар, тартмалар... Лениногорск районында – рөхсәтсез калдыклар өеме

2020 елның 30 гыйнвары, пәнҗешәмбе

Татарстан Республикасы Экология һәм табигать ресурслары министрлыгының Көньяк-Көнчыгыш территориаль идарәсе хезмәткәрләре Лениногорск районында рейд барышында 6 000 кв.м. мәйданга җәелгән зур чүплеккә тап булган. Законсыз чүплекнең төзелеш чүбеннән, катыргы, пластик тартмалардан торуы ачыкланган. Чүп арасында шулай ук зур бер сәүдә челтәренең документлары һәм махсус кием-салымы табылган. Хәзерге вакытта Административ хокук бозулар турында Россия Федерациясе кодексының 8.2 статьясы (“Җитештерү һәм куллану калдыклары белән эш иткәндә әйләнә-тирә мохитне саклау өлкәсендәге таләпләрне үтәмәү”) нигезендә административ тикшерү алып барыла.