Экология һәм табигать ресурслары министрлыгында табигатьтән файдаланучылар өчен гавами чара узды
Бүген Татарстан Республикасы Экология һәм табигать ресурслары министрлыгында табигатьтән файдаланучылар өчен гавами чара үткәрелде. Гавами тыңлауны, дәүләт экологик күзәтчелек инспекциясе идарәсе җитәкчесе Алексей Полюшков рәислегендә, Татарстан табигатьне саклау районара прокуроры ярдәмчесе Марсель Канафиев, Казан районара табигатьне саклау прокуроры урынбасары Ольга Мельник, “Росприроднадзор” Идел-Кама төбәкара идарәсе экологик күзәтчелек бүлеге җитәкчесе Кадрия Хисмәтуллина үткәрде. Видеоконференция режимындагы чарада шулай ук Казан һәм якын-тирәдәге районнар эшмәкәрләре, Татарстан Республикасы муниципаль районнарыннан табигатьтән файдаланучылар катнашты.
Утырыш барышында атмосфера һавасын саклау һәм метеорология шартлары начар булган шартларда табигатьтән файдаланучылар эшләрен оештыру, шулай ук экологик экспертиза турында законны үтәүгә төбәк дәүләт геологик күзәтчелеген һәм контрольлекне хәл кылу мәсьәләләре каралды. 2019 елда төбәк дәүләт экологик күзәтчелекне үткәрүгә йомгак ясалды.
Очрашу кысаларында белгечләр әйләнә-тирә мохиткә зыян китерү фактлары буенча хокук саклау органнары белән уртак эш нәтиҗәләрен карады.