Татарстанның Экология министрлыгында социаль юнәлешле коммерциясез оешмаларның субсидияләр алуга җиңүче-проектлары билгеләнде
Алдагы көнне Татарстан Республикасы Экология һәм табигать ресурслары министрлыгында грант откан 6 җиңүче билгеләнде. Экологик иминлекне тәэмин итү өлкәсендә социаль юнәлешле коммерциясез оешмаларга субсидияләр бирүгә конкурста катнашу өчен рекордлы санда – 26 оешма гариза тапшырган.
Экспертлар бәяләмәләре нәтиҗәләре буенча җиңүчеләр буларак танылды:
- “Экология барыбыз өчен дә” проекты белән, А.И.Щеповских исемендәге әйләнә-тирә мохитне саклауга ярдәм итү төбәк иҗтимагый фонды;
- “Тормыш фәне” проекты белән, “Чиста булачак” Татарстан Республикасы төбәк яшьләр иҗтимагый оешмасы;
- “Дуслык күле” авыл мәдәният һәм ял паркы проекты белән, Татарстан Республикасы Чүпрәле муниципаль районы “Благодеяние” җирле иҗтимагый фонды;
- “Кино-Лето 2020” проекты белән, “Рус географик җәмгыяте”нең Татарстан Республикасындагы төбәк бүлеге;
- “Мәктәп укучыларын экологик-техник тәрбияләү, экологик культура һәм уйлап табу компетенцияләрен булдыру буенча заманча белем бирү технологияләре” проекты белән, Татарстан Республикасы яшь галимнәр һәм белгечләр төбәк яшьләр иҗтимагый хәрәкәте;
- “Наш Дом-Земля” проекты белән, “Татарстан –яңа гасыр” республика иҗтимагый хәрәкәте.
Проектлар 2020 елда тормышка ашырылачак.