Экологлар ел башыннан бирле 8640 мөрәҗәгатьне карап тикшергән
Ел башыннан бирле Татарстан Экология һәм табигать ресурслары министрлыгының Республика экологик иҗтимагый кабул итү бүлмәсенә 8640 мөрәҗәгать кергән. Шуның күпчелеге – 5211е – “Мәктәп экопатруле” мобиль кушымтасы аша. Экологлар “Халык контроле” системасы аша алынган 880 мөрәҗәгатьне, WhatsApp, Telegram, Eco.signal элемтә каналлары, “Кайнар линия” телефоны аша алынган 1110 хәбәрне карап тикшергән. Гражданнарны шәхсән кабул итүләр барышында һәм Министрлыкның кабул итү бүлеге аша 1439 мөрәҗәгать кабул ителгән.
Табигатьне саклау законын бозу фактлары турында түбәндәге элемтә каналлары аша хәбәр итеп булуын искә төшерәбез:
- (843)267-68-67 телефоны аша;
- eco.signal@tatar.ru электрон почта аша;
- интернет-кабул итү бүлмәсе аша: http://eco.tatarstan.ru/rus/priem.htm;
- WhatsApp һәм Telegram өстәмә элемтә каналлары аша, +79872169779 номерын җыеп;
- “Халык контроле” системасында “Экология” категориясе буенча хәбәр итеп;
- “Мәктәп экопатруле” мобиль кушымтасы аша.
ТР ЭТРМ матбугат хезмәте