Чирмешән районында бер объектны ремонтлаганнан соң чүп калдырган подряд оешмасына 500 мең сумга кадәр штраф яный
Бинаны төзекләндергәннәр, чүпләрен исә шунда гына калдырып киткәннәр. Татарстан Республикасы Экология һәм табигать ресурслары министрлыгының Көньяк-Көнчыгыш территориаль идарәсе инспекторлары Чирмешән районында Түбән Кармалка авылыннан 2,5 чакрым ераклыкта рөхсәтсез урында чүп-чар өеменә тап булган. Биредә подряд оешмасы абразив материаллар, бетон, полиэтилен, пластик, металл калдыкларын һәм башка төзелеш чүп-чарын калдырып киткән. Пычранган территориянең гомуми мәйданының 326 кв.м тәшкил итүе исәпләп чыгарылган. Хәзерге вакытта экологлар Административ хокук бозулар турында РФ кодексының 8.2 статьясындагы 3 өлеше (Бу статьяның 1 өлешендә күздә тотылган, кешеләрнең сәламәтлегенә яки әйләнә-тирә мохиткә зыян китергән яисә эпидемия яки эпизоотиягә китергән гамәлләр (гамәл кылмау) – бу гамәлләр (гамәл кылмау) җинаять кылуга кермәгәндә”) буенча административ хокук бозу турында эш кузгаткан. Оешмага 400 меңнән 500 мең сумга кадәр штраф яный.
ТР ЭТРМ матбугат хезмәте