Чүплекләргә “сугыш” игълан ителә! Нурлат районында табигатьне саклау законын бозу буенча тиешле чаралар күрелгән

2019 елның 27 мае, дүшәмбе

Нурлат районының Единение авылында яшәүчеләр 2000 кв.м мәйданда көнкүреш калдыклары өемен ясап куйган. ТР Экология һәм табигать ресурслары министрлыгының Көньяк-Көнчыгыш территориаль идарәсе белгечләре рейд барышында әнә шуңа тап булган. Авыл җирлеге башлыгы калдыклар өемен юкка чыгару турында күрсәтмә чыгарган. Хәзерге вакытта авыл чүплектән тулысынча арындырылган.

ТР ЭТРМ матбугат хезмәте