“Бәллүр компас” Илкүләм премиясенә бәйгедә җиңү өчен Татарстан проектына тавыш бирик!
“Бәллүр компас” премиясе сайтында халыкның интернет аша тавыш бирүе башланып китте. Илкүләм премиянең 2012 елдан тапшырылып килүен искә төшерик. Геогорафия, экология, табигый һәм тарихи-мәдәни мирасны саклау һәм популярлаштыру өлкәсендә абруйлы халыкара бүләк бу. Чараны Рус географик җәмгыяте һәм “Газпром” гавами акционерлык җәмгыяте үткәрә. Премия алуга шулай ук Татарстанның “Минем формат – Россия” дигән проекты да дәгъва кыла. Бу – чукрак һәм начар ишетүче үсмерләр өчен ишарәләр телендәге 10 телепрограммадан торган цикл. Проект географиягә, туган як, туристлык юнәлешләрен үстерүгә һәм Россия буйлап сәяхәтләргә багышланган. Телепрограмма төрле өлкәләр буенча аң-белемнәрне киңәйтү кебек бурычны хәл кылуны күздә тота. Бер кеше тәүлегенә нибары бер тапкыр гына тавыш бирергә мөмкин. 2019 елның 30 апреленә кадәр тавыш бирергә була.
ТР ЭТРМ матбугат хезмәте