Чиста киләчәк өчен бүген чиста булу кирәк! Минзәлә районында өмә узды
Минзәлә районы “БЕРЕЗКА” балалар бакчасына йөрүче сабыйлар белән, битараф булмаган барча кешене өмәләрдә катнашырга өндәп, “ЭкоЯз – 2019” сантария икеайлыгы кысаларында флешмоб үткәрелде. Чиста, уңайлы территориядә яшәү – безнең теләгебез генә түгел, бер үк вакытта бурычыбыз да. Балалар белән үткәрелгән чара кысаларында әйләнә-тирә мохитне саклау мәсьәләләре буенча сөйләшү булды. Шуннан соң сабыйлар, олылар белән беррәттән, гөр китереп, территорияне җыештырырга кереште. Иң элек алар балалар бакчасы территориясен тәртипкә салды. Өмә – чисталыкта яшәү омтылышын күрсәтүнең, язгы матур көндә табигатьтә рәхәтләнеп аралашуның менә дигән ысулы. “Кешенең үзендә генә түгел, аның тирә-юнендә дә тәртип булырга тиеш”, – ди акцияне оештыручылар. Чара кысаларында сабыйлар Кама буе территориаль идарәсе белгечләре җитәкчелегендә балалар учреждениесе территориясенә сыерчык оялары элде.
ТР ЭТРМ матбугат хезмәте