4 апрель көнне Чаллы мәктәпләренә батареяләр җыю өчен контейнерлар тапшырылачак
4 апрель көнне 10.00 сәгатьтә Чаллыда “Орион” Яшьләр үзәгендә шәһәрнең мәгариф учреждениеләренә батареяләр җыю өчен контейнерлар тапшыру тантанасы була. Чара, 2019 елның санитария-экология икеайлыгы кысаларында, яраксызга әйләнгән батареяләр җыю буенча “Дюрасел Раша” ҖЧҖ белән республика күләмендәге уртак акция кысаларында уздырыла. Чаллы шәһәрендә акцияне оештыручылар – “Орион” Яшьләр үзәге (“Чүп.Бүтән.Юк.Чаллы” экологик хәрәкәте) һәм, ТР Көнчыгыш зонасы операторы – “Гринта” ҖЧҖ белән хезмәттәшлек нигезендә, ТР Экология һәм табигать ресурслары министрлыгының Кама буе территориаль идарәсе һәм Чаллы шәһәре башкарма комитетының Мәгариф һәм яшьләр идарәсе ярдәмендә, Чаллы шәһәренең 4нче Экология-биология үзәге.
Мәгариф учреждениеләрендә батареяләрне аерып җыю буенча акциягә 2019 елның 31 маенда йомгак ясалачак. Иң актив укучылар һәм мәктәпләргә кыйммәтле бүләкләр тапшырылачак.
ТР ЭТРМ матбугат хезмәте