Александр Шадриков: “Дөньябызны күңел җылысы һәм елмаю яктысы белән бизисез!”
Кадерле, сөекле туташ-ханымнарыбыз!
Сезне чын күңелдән искиткеч җылы, матур, якты бәйрәм – Халыкара хатын-кызлар көне белән котлыйм!
Көндәлек тормыштагы эш-мәшәкатьләр еш кына нәфис зат булуыгызны оныттырып, үзегездән ирләрне дә сокландырырдай ныклык күрсәтергә мәҗбүр итә. Шуңа да карамастан, игелеклек, рәхим-шәфкатьлек кебек изге сыйфатларыгыз белән тирәгездәгеләрне сөендереп яшәргә көч табасыз. Хезмәтегез, эчке һәм тышкы гүзәллегегез өчен рәхмәт! Тармакта эшләп киткән ветеран хатын-кызларыбыз алдында түбәнчелек белән баш иеп, чиксез зур ихтирам- рәхмәтләребезне җиткерәбез!
Бу бәйрәм көнендә нык сәламәтлек, бәхет-шатлык, гаилә иминлеге телибез! Һәр туган көн үзегезне якыннарыгызның игътибары һәм кайгыртуы белән сөендерсен, тормышыгызны матур хис-тойгылар белән баетсын!
Дөньябызны күңел җылысы һәм елмаю яктысы белән бизәүне дәвам итегез!А.В. Шадриков,
Татарстан Республикасы экология һәм табигать ресурслары министры