“Планетаның якты киләчәге хакына төрелмә-каплар” халыкара экологик бәйгесе игълан ителгән
Пластиктан баш тарту бик әйбәт анысы, тик менә дөнья икенче чиккә ташланмасмы – кәгазьне, димәк, агачны, яшеллекне кирәгеннән артык дәрәҗәдә куллана башламасмы? Шуны истә тотып, кәгазь һәм катыргы төрелмә-каплар бизәлешен эшләүче Smurfit Kappa компаниясе “Планетаның якты киләчәге хакына төрелмә-каплар” халыкара экологик бәйгесен игълан иткән. Конкурс кысаларында ике биремне үтәү: йөрткәндә һәм саклаганда аслыкларны чорнау өчен кулланыла торган пластик стретч-пленкага алмаш тәкъдим итү; электрон сәүдәдә кулланыла торган үзенчәлекләре белән кәгазь төрелмә эшләү. Конкурста катнашырга теләүчеләр 2019 елның 29 мартына кадәр бу хакта тиешле карарга килергә мөмкин. Барлык материаллар түбәндәге адрес буенча җибәрелергә тиеш: designchallenge@smurfitkappa.com. Җиңүчеләрне 8000 евро күләмендә акчалата приз көтә. Бу хакта тәфсиллерәк мәгълүматлар белән сайтта (https://vsekonkursy.ru/konkurs-ekologicheskoj-upakovki.html) танышырга була.
ТР ЭТРМ матбугат хезмәте