Чирмешән лицеенда укучыларга һәркайсыбызның экологиягә нинди йогынты ясавы турында сөйләделәр
Кеше планетаның “кыяфәтен” ничек үзгәртә ала, чүпне аерып җыю һәм өмәләрдә катнашу нигә кирәк? Чирмешән лицее укучылары ТР Экология һәм табигать ресурслары министрлыгының Көньяк-Көнчыгыш территориаль идарәсе белгечләре белән берлектә әнә шушы һәм экологиягә кагылышлы башка сорауларга җаваплар эзләде. Чараларда уку йортының 5, 6, 10 сыйныфлары укучылары катнашты. Унынчы сыйныфта укучылар беренче эко-дәрестә әйләнә-тирә мохиткә антропоген йогынты, яки кеше йогынтысы факторларын һәм аларны юкка чыгару ысулларын карады. 5-6 сыйныфларда укучылар өчен дәрес татар телендә үткәрелде. Дәрестә балаларга һәркайсының туып үскән төбәге экологиясенә ничек итеп уңай йогынты ясый алуы: чүпне аерып җыю, батареяләрне – утильләштерүгә, ә кәгазьне – яңадан эшкәртүгә тапшыру, мәктәп эко-патруленә кушылу мөмкинлегенә ия булуы турында сөйләп үтелде. “Эко-патрульгә кушылу өчен кесә телефонына кушымта куйдырып, шуның ярдәмендә экологларга рөхсәт ителмәгән урыннарда калкып чыккан чүп өемнәре фоторәсемнәрен җибәрергә була. Без сезнең белән хезмәттәшлек итүгә һәрвакыт шатбыз!” – дип белдерде идарә белгече Алинә Ризванова. Шулай ук балалар эко-викториналарда катнашты һәм буш тартмалардан кошларга җимлекләр ясады.
“Экологик яктан агарту чаралары балаларны әйләнә-тирә мохит турында кайгыртырга өйрәтергә, һәркайсының туып үскән төбәгебезнең табигый байлыкларын саклау буенча гомуми эшкә өлеш кертә алуларын күрсәтергә тиеш”, – ди экологлар.
ТР ЭТРМ матбугат хезмәте