Ял паркында – ташландык су. Көньяк-Көнчыгыш территориаль идарәсе инспекторлары гаеплеләрне ачыклый

2019 елның 15 гыйнвары, сишәмбе

Татарстан Республикасы Экология һәм табигать ресурслары министрлыгының Көньяк-Көнчыгыш территориаль идарәсе инспекторлары Әлмәттәге үзәк паркларның берсенә канализация сулары агызуны ачыклаган. Ял итү территориясе аша сузылган торбадагы сыекча янәшәдәге Бигәш елгасына агып утырган. Көньяк-Көнчыгыш махсус аналитик контрольлек инспекциясе белгечләре анализ нәтиҗәләре буенча ташландык суда аммоний микъдарының тиешледән 91,4 тапкырга артуын ачыклаган. Административ хокук бозулар турында РФ кодексының 8.13 статьясындагы 4 өлеше (“Су объектларын саклауга карата аларны пычрату, чүпләүгә һәм (яки) аларның саегуына китерердәй таләпләрне бозу”) буенча җинаять эше кузгатылган. 

ТР ЭТРМ матбугат хезмәте