Казандагы 116 нчы лицей укучылары химиянең әйләнә-тирәлеккә булган йогынтысы турында сөйләште
Үсешенең барлык стадияләрендә дә кеше үзен чолгап алган әйләнә-тирәлек белән тыгыз бәйләнгән. Индустриаль җәмгыять барлыкка килгәч, кешенең табигатькә булган йогынтысы масштаблыракка һәм һәлак итә торганга әверелгән. Хәзер әйләнә-тирәлекнең химик пычрануы аеруча мөһим мәсьәләгә әверелде. Советлар Союзы Герое А.С.Умеркин ис. 116 нчы лицейда укучы 10-11 сыйныф укучылары үз эшләрен тискәре йогынты нәтиҗәләрен киметүгә багышлаганнар. Мәгариф учреждениесе базасында "химик экология" кебек фән тармагына багышланган фәнни-гамәли конференция узды. Чарада катнашучыларга сәламәләү сүзләре белән жюри рәисе, медицина фәннәре докторы, Казан дәүләт медицина университеты профессоры Анатолий Иванов мөрәҗәгать итте. Яшь тикшеренүчләрнең эшләрен Экоминистрлыкның мәгълүмат системалары һәм экологик мәгърифәт идарәсе башлыгы Дамир Вәлиуллин, КДМУ тәрбия эше буенча идарә башлыгы Инесса Федулова, 116 нчы лицейның химия укытучысы Татьяна Щукина тикшерде.
Конференция кысаларында мәктәп укучылары Периодик таблицаның химия элементлары турында тикшеренү нәтиҗәләрен күрсәтте, алар арасында: "Туфракта бакыр", "Кеше организмында тимер", "Аммиак", "Су һәм суны ничек эчәргә кирәк", "Фторуглеродлар", "Периодик системаны оештыру һәм Д.И.Менделеевның периодик законны ачуы". "Укучылар антропоген нәтиҗәләргә кагылышлы, әйтик, мисал өчен, туфракның химик элементлар белән пычрануы өлешендә, мөмкин булган барлык мәсьәләләрне дә җитди караган", - дип билгеләде Дамир Вәлиуллин.
ТР ЭТРМ матбугат хезмәте