Һавадан күзәтү барышында экологлар Чистай районында берничә закон бозуны ачыклаган
Татарстан Республикасының Чистай районы территориясен һавадан күзәтү барышында шәһәрнең көньяк-көнбатыш өлешендә җитештерү һәм куллану калдыкларын (тауар бетонын җитештерү калдыклары) санкциясез урнаштыру очраклары ачыкланган. Шулай укТатарстан Республикасы Экология һәм табигать ресурслары министрлыгының Идел-Кама территориаль идарәсе инспекторлары гомуми 180 кв.м.лы мәйданда туфракның уңдырышлы катламын рөхсәтсез алу һәм күчерү фактын теркәгән. "Блок-Мастер" ҖЧҖнә һәм җаваплы вазыйфаи затларга карата Административ хокук бозулар турында РФ кодексының 8.6 ст. 1 өлеше һәм 8.6 ст. 2 өлеше буенча административ эш кузгатылган. Дәлилләр алу максатыннан, Дәүләт теркәве, кадастар һәм картография федераль хезмәтенең Татарстан буенча идарәсенең Муниципалитетара бүлегенә запрос ясалган. 4 беркетмә төзелгән (РФ КоАП 8.6 ст. 1 өлеше һәм РФ КоАП 8.6 2 өлеше буенча юридик затка ике беркетмә һәм РФ КоАП 8.6 ст. 1 өлеше һәм РФ КоАП 8.6 2 өлеше буенча вазыйфаи затка ике беркетмә) һәм юридик затка карата РФ КоАП 8.6 2 өлеше буенча 40 000 сум; РФ КоАП 8.6 ст. 1 өлеше буенча - 30 000 сум; вазыйфаи затка РФ КоАП 8.6 2 өлеше буенча - 10 000 сум; РФ КоАП 8.6 ст. 1 өлеше буенча - 50 000 сум - карарлар чыгарылган. Шулай ук 118,755 мең сумлык гомуми суммага ике төр зыян белдерелгән. Юридик зат, төгәлрәге "Блок-Мастер" ҖЧҖ, мондый карар белән килешмичә, Чистай шәһәр судына карар буенча шикаять тапшырган. Тикшерү нәтиҗәләре буенча шикаять канәгатьләндерелмәгән, карарлар законлы, дип танылган.
ТР ЭТРМ матбугат хезмәте