«Бакчачы көне-2018» кысаларында республиканың иң чиста коммерциясез бакчачылык ширкәтләре билгеләнде
Республиканың иң чиста экологик бакча ширкәте исеменә конкурс нәтиҗәләре ясалды. «Бакчачы көне-2018» күргәзмә-фестивале кысаларындагы бүләкләү тантанасы «Казан» агросәнәгать паркында узды. Акция призёрларын һәм җиңүчеләрен Татарстан Республикасы Экология һәм табигый ресурслар министрлыгы исеменнән министрның беренче урынбасары Рөстәм Камалов котлады.
Бакча кишәрлегенең санитар-экологик торышы, каты көнкүреш калдыкларының үз вакытында чыгарылуы һәм табигатьне саклау эшчәнлегенә коммерциясез бакчачылык ширкәтләре әгъзаларын җәлеп итү буенча акцияләр уздыруны исәпкә алып, түбәндәге призерлар билгеләнде:
1 урын -«Бытовик» кулланучылар җәмгыяте» коммерциясез бакчачылык ширкәте (Тукай районы);
2 урын -«Мишә-1» коммерциясез бакчачылык ширкәте (Питрәч районы);
3 урын - «Строитель» коммерциясез бакчачылык ширкәте (Түбән Кама районы).
Рөстәм Камалов коммерциясез ширкәтләрнең рәисләренә Татарстан Республикасы Экология һәм табигый ресурслар министрлыгының Рәхмәт хатларын һәм мотокультиваторлар тапшырды, әйләнә-тирәлекне саклау эшенә өлеш керткән һәм актив гражданлык позициясе өчен рәхмәт белдерде.
ТР ЭТРМ матбугат