"Без барыбыз да бер һаваны сулыйбыз һәм бер океанда коенабыз". Казансуның түбән яр буе комлыгын чистартуда 250 кеше катнашты
Рус география җәмгыяте һәм Татарстан Республикасы Экология һәм табигый ресурслар министрлыгы вәкилләре, битараф булмаган гражданнар һәм А.А.Леонов исемендәге су асты фәнни-тикшеренү отряды драйверлары 30 000 м² яр буе зонасын һәм Казансу елгасының 2 500 м² төбен чүп-чардан чистартты. "Безнең киләчәк бары тик безгә генә бәйле. Җир – безнең уртак йортыбыз. Һәм без Татарстанда яшәүчеләргә табигатьтән һәм аның ресурсларыннан рациональ файдалану принципларын, әйләнә-тирәлеккә аңлы караш сеңдерергә һәм безнең бер һаваны сулап, бер дөнья океанында коенуыбыз турында аңлатырга телибез", – дип сөйләде экологлар әлеге акциянең максаты турында. Казансуның түбәнге өлешендә урнашкан комлыкны җыештыруда 250 кеше катнашты. Уртак тырышлык нәтиҗәсендә 7 м³ чүп җыеп алынды. Ә водолазлар елга төбеннән 30 кг чүп чыгарды. "Бүген пластик һәм пыяла савытлардан, алюминий банкалардан тыш безнең ятьмәләргә берничә балык та эләкте. Әлбәттә, без аларны шунда ук суга кире җибәрдек", – дип билгеләде водолазлар.
Сулыкларны һәм яр буе зонасын чистарту буенча киләсе акция – "Яшел Россия" Россиякүләм экологик өмә 15 сентябрьдә Зәңгәр күлдә 10.00 сәгатьтә булачак. Әйләнә-тирәлеккә битараф булмаганнарның барысын да анда катнашырга чакырабыз!
ТР ЭТРМ матбугат хезмәте