Орлыктан агачка. Туган төбәк үсемлекләре турында – Чүпрәле балаларына
Татарстан Республикасы Экология һәм табигый ресурслар министрлыгының Идел аръягы территориаль идарәсе белгечләре Чүпрәле районының "Чайка" лагерында ял итүче балаларга туган төбәкнең үсемлекчелек дөньясы, аның әһәмияте һәм аны саклау турында сөйләде.
"Үләннәр – бик зур, юмарт һәм искиткеч файдалы даруханә", – дип сөйли башлады үсемлекләр патшалыгы турында экологлар. Белгечләр балаларга җирле фауна мисалында орлыктан башлап өлкән нөсхә өлешенә кадәр һәр үсемлекнең нинди юл узуы турында сөйләде һәм күрсәтте. Балалар темага зур кызыксыну белдерде һәм остазларның биреме буенча лагерь территориясендә төрле үсеш этапларындагы үсемлекләрне үзләре эзләп тапты.
Балалар белән берлектә экологлар үсемлекләрне гербарий ясау өчен дә җыйды. "Балаларның күбесе өчен бу корыган үсемлекләрдән беренче коллекция булачак. Үсеп килә торган буынның экология темасы белән кызыксынуы сөендерә. Безнең дәресләр аларда табигатькә карата мәхәббәт, бөтен тереклеккә хөрмәт һәм Җир, туган төбәк язмышы өчен әхлакый җаваплылык формалаштыруга юнәлдерелгән", – дип билгеләде идарә белгечләре.
ТР ЭТРМ матбугат хезмәте